Thursday, September 6, 2018

Halyeeygii Hore Ee Kooxda Man United Bryan Robson Oo Alexis Sanchez U Sheegay Waxa Looga Baahan Yahay Xilli Ciyaareedkan

8:24 AM    No comments

 · by  ·  0
Xiddigii hore ee kooxda Man United ee Bryan Robson ayaa ka hadlay qaab ciyaareedka Liita ee xiddiga Alexis Sanchez kaas oo aan soo bandhigin qaab ciyaareedkii ay Man United soo saxiixatay si uu u soo bandhigo markii ay ka dhigtay xiddiga ugu mushaharka badan kooxda.
Bryan Robson ayaa Alexis Sanchez u sheegay in uu muujiyo sababtii ay kooxda Man United diyaarka ugu ahayd in ay baanka u jabiso ugana dhigto xiddiga ugu mushaharka badan taariikhda kooxda.
United ayaa saxiixa Sanchez ku garaacday kooxda Man City suuqii Janaury kadib markii ay ogolaadeen in ay miiska u saaraan lacag dhan 350 kun oo Gini todobaadkii ugana dhigeen xiddiga ugu mushaharka badan kooxda.
Laakiin Sanchez ayaa ilaa haatan ku fashilmay in uu soo bandhigo qaab ciyaareedkii ay United uga uga dhigtay xiddiga ugu mushaharka badan kooxdeeda.

Robson ayaa qirtay in xilli ciyaareedkan yahay mid u weyn Sanchez iyada oo 29 jirka looga baahan yahay in uu muujiyo in ayna kooxda Man United ku khladamin la soo wareegistiisa.

“Sanchez waa xiddig weyn”ayuu yidhi kabtankii hore ee United ee Robson, “Laakiin wali maynu arkin qaab ciyaareedkiisii ugu fiicnaa ee Man United ilaa haatan”.
Laakiin waxa aan hubaa in uu kor u qaadi doono qaab ciyaareedkiisa”.

“Xagaagan waa midkii ugu horeeyay ee aan looga yeedhin waajibaadka xulka waana in uu taas u isticmaalo si fiican, marka aad hesho xagaa fasaxa ah waa in aad soo laabato adiga oo fiican”.

“Kulamadii ugu horeeyay ee horyaalka ayaa laga yaabaa in uu u baahnaa in uu dib u helo taam ahaanshihiisa laakiin waxa aan ku rajo weynahay in aan qaab ciyaareed fiican ku aragno”.

Read More

XASAASI:Xiddiga Khadka Dhexe Ee Paul Pogba Oo Xaqiijiyay In Uu Ka Tagi Doono Kooxda Man United, Goorma Ayuu Ka Tagi Doonaa?

7:27 AM    No comments

 · by  ·  1

Xiddiga khadka dhexe ee kooxda Man United ee Paul Pogba ayaa xaqiijiyay in uu ka tagi doono kooxda Man United inkasta oo ay jireen warar sheegaya in uu xiddigu wadahadalo la qaatay Jose Mourinho kaas oo ay isku af garteen in uu sii joogo kooxda.
Xiddiga khadka dhexe ee xulka France ka caawiyay ku guulaysiga koobka adduunka ayaa la sheegayay in uu xaliyay xiriirkii xumaa ee uu la lahaa tababaraha Man United ee jose Mourinho.
Kadib markii uu ku soo laabtay Old Trafford sanadkii 2016 Pogba ayaa wakhti xun ku qaadanaya United iyaga oo isku dhacay tababaraha Man United ee Jose Mourinho.









Pogba ayaa la aamisan yahay in uu doonayay in uu ku biiro kooxda Barcelona ka hor intii uuna xirmin suuqii xagaaga waxana uu haatan diiday in uu meesha ka saaro in uu kooxda ka tago suuqa January.
“Waxa jira hadal badan oo ku saabsan arinta waana sida ay tahay, waxa aan heshiis kula jiraa Man United”ayuu u sheegay Sky Germany.
“Haatan Mustaqbalkaygu waxa uu yaalaa Manchester, wali waxa aan kula jiraa heshiis waxa aan wakhti xaadirkan ka ciyaarayaa halkan, laakiin yaa og waxa dhici doona bilaha soo socda
Waxa kaliya ee aan kuu balan qaadi karo ayaa ah in aan 100% siin doono Man United tababara walba oo kooxda haysta, ma odhan karo wax kale”ayuu hadalkiisa sii raaciyay.

Read More
6:32 AM    No comments


 · by  ·  1
Xog hayihii hore ee kooxda Man City ee Bernard Halford ayaa shaaca ka qaaday in ay kooxda Man City si aad ah ugu dhawayd in ay la saxiixato xiddiga khadka dhexe ee kooxda Real Madrid ee ku guulaystay abaalmarinta xiddiga ugu fiican yurub.
Bernard Halford ayaa xaqiijiyay in ay kooxda Man city iska khasaarisay fursad ay kaliya 10 milyan oo euro ugula soo saxiixan lahayd xiddiga khadka dhexe ee Luka Modric 11 sano ka hor markii uu u ciyaarayay kooxda Dinamo Zagreb markaas oo ayna kooxda hayssan milkiilayaasha carabta ah.

Isaga oo la hadlaya wargayska The Sun ayaa yiri” Markii uu Milkiilaha ka ahaa thaksin shinawatra waxa aan haysanay fursad aan kula saxiixano Luka Modric, waxana uu ahaa mid aad u xiisaynaya waxana uu ii sheegay in aan ku dhawnahay in aan dhamaystirno heshka mid ka mid xiddigaha ugu fiican adduunka khadka dhexe”.
Xiddigii hore ee xulka Croatia ee Vedran Ćorluka ayaa Modric kula taliyay in uu ku biiro Man City, waxa aan wakhtigaas u baahnayn lacag aan ku dhamaystirno heshiiska, lacagta milkiilahana waxa lagu uruuriyay Thailand “.
Bernard Halford ayaa hadalkiisa ku soo xidhay”Waxa uu milkiilu ii yimid maalintii ugu horaysay xilli ciyaareedkan waxana uu ii sheegay in aan shaqada isaga tago sidaas darteed maan dhamaystirin heshiiska Modric oo lagu helayay kaliya 10 milyan oo euro, haatan eega waxa uu u tartamayaa xiddiga ugu fiican adduunka”.

Read More